janay yeh kesi teray hijr men thaani dil nay

جانے یہ کیسی تیرے ہجر میں ٹھانی دل نے
پھر کسی اور کی کچھ بات نہ مانی دل نے

ایک وحشت سے کسی دوسری وحشت کی طرف
اب کے پھر کی ہے کوئی نقل مکانی دل نے

اب بھی نوحے ہیں جُدائی کے وہی ماتم ہے
ترک کب کی ہے کوئی رسم پرانی دل نے

بات بے بات جو بھر آتی ہیں آنکھیں اپنی
یاد رکھی ہے کسی دُکھ کی کہانی دل نے

ڈُوبتی شام کے ویران سمے کی صورت
تھام رکھی ہے تیری ایک نشانی دل نے

janay yeh kesi teray hijr men thaani dil nay
phir kisi aur ki kuch baat na maani dil nay


aik wehshat say kisi doosri wehshat ki taraf
ab kay phir ki hai koi naqal makani dil nay


ab bhi nohay hain judai kay wahi maatam hai
tark kab ki hai koi rasm purani dil nay


baat bay baat jo bhar aati hain aankhen apni
yaad rakhi hai kisi dukh ki kahani dil nay


doobti shaam kay veeraan samay ki soorat
thaam rakhi hai teri aik nishaani dil nay