masroofiyat usi ki hai fursat usi ki hai
is sar zameen e dil pey hukumat usi ki hai
milta hai woh bhi tark e taaluq k ba wajood
main kaya kroon keh mujh ko bhi aadat usi ki hai
jo umr us k saath guzari usi ki thi
baaqi jo bach gaii hai musafat usi ki hai
hota hai phir kisi pey usi ka gumaan mujhey
lagta hai har kisi men shabaahat usi ki hai
woh jis k haq men jhooti gwahi bhi main ney di
roohi merey khilaf shahadat usi ki hai
No comments:
Post a Comment