Muhabbat Is Tarha Bhejo

Muhabbat is tarah bhejo
Keh jaisey phool pey titli utarti hai
Hawa men dolti, par tolti titli
Larazti, kapkapati, pankhriyon ko pyar karti hai
To har patti nikharti hai

Muhabbat is tarah bhejo
Keh jaisey chaar soo khushboo bikharti hai

Muhabbat is tarah bhejo
Keh jaisey khawab aata hai
Jo aata hai to darwazey pey dastak tak nahi hoti
Bohat sarshaar lamhey ki, madhur chup men
Kisi hilkorey leti aankh ki khatir
Kisi be-taab sey milney, koi be-taab aata hai

Muhabbat is tarah bhejo
Keh jaisey jheel men mehtaab aata hai