mujhay maloom hai keh mein kaya hoon!!
na meri saroo si qaamat
na meri jheel si aankhen
na meri subha si rangat
na meri raat si zulfen
lekin jab kabhi tum apnay kamray men
tanha ho gay
khirki say chaandni chhan chhan kay aa rahi ho gi
aur, raat ki rani ka boota kamray men jhaankta ho ga
to--ik lamhay ko tum meray baaray men socho gay
keh!!ik udaas si larki--ghiri shaam si larki-
jisay teri ik muskyrahat nay
khaak kay zarray say utha kar aasmaan ka taara bana diya
haan wohi ik lamha meri duaaon ka asar ho ga---
No comments:
Post a Comment