moam ki tar'ha pighal jayega ikk din wo bhi

apni khudd-daari ko har lamha bachaye rakhna
dost tum zeest ka mayyaar banaaye rakhna

moam ki tar'ha pighal jayega ikk din wo bhi
shart itni hai keh lau uss say lagaye rakhna

raah jeenay ki nazar aayegi dushwaar bohat
hausla dil ka behr haal barrhaye rakhna

janay kis lamhay haqeeqat mai badal jayega
khwaab palko'n pey hamesha sey sajaye rakhna

janay kab laut k aajaye wo aanay wala
shamm e umeed nigaho'n mai jalaye rakhna

furqat e yaar ko seh len gay kisi tarha AZEEM
sakht mushkil hai magar dil ko bachaye rakhna