Jab Teri Dhun men Jiya kartey thay

Jab Teri Dhun men Jiya kartey thay
Hum bhi chup chaap phira kartey thay

Aankh men pyas hua karti thi
Dil men tufaan utha kartey thay

Log aatey thay gazal sun'nay ko
Hum teri baat kiya kartey thay

Such Samajhtay thay terey waadon ko
Raat din ghar men raha kartay thay

Kisi weeraaney men tujh say mil kar
Dil men kaya phool khila kartey thay

Ghar ki deewaron ko sajanay kay liye
Hum tera naam likha kartey thay

Wo bhi kaya din thay bhula kar tujh ko
Hum tujhey Yaad kiya kartey thay

Jab teray dard men Dil dukhta tha
Hum teray haq men Dua kartey thay

Apnay jazbon ki kamandon say tujhey
Hum bhi taskheer kiya kartey thay

Kal tujhay dekh kay Yaad aaya hai
Hum sukhan war bhi hua kartey thay

Chhairta tha Gam-e-Duniya jab bhi "Mohsin"
Hum teray Gham say gila kartey thay

جب تیری دھن میں جیا کرتے تھے 

ہم بھی چپ چاپ پھرا کرتے تھے

آنکھ میں پیاس ھوا کرتی تھی
دل میں طوفان اٹھا کرتے تھے

لوگ آتے تھے غزل سننے کو
ہم تیری بات کیا کرتے تھے

سچ سمجھتے تھے تیرے وعدوں کو
رات دن گھر میں رہا کرتے تھے

کسی ویرانے میں تجھ سے مل کر
دل میں کیا پھول کھلا کرتے تھے

گھر کی دیوار سجانے کے لیے
ہم تیرا نام لکھا کرتے تھے

وہ بھی دن تھے بھلا کر تجھ کو
ہم تجھے یاد کیا کرتے تھے

جب تیرے درد میں دل دکھتا تھا
ہم تیرے حق میں دعا کرتے تھے

بجھنے لگتا جو چہرہ تیرا
داغ سینے میں جلا کرتے تھے

اپنے جذبوں کی کمندوں سے تجھے
ہم بھی تسخیر کیا کرتے تھے

اپنے آنسو بھی ستاروں کی طرح
تیرے ہونٹوں پہ سجا کرتے تھے

چھیڑتا تھا غم دنیا جب بھی
ہم تیرے غم سے گلہ کرتے تھے

کل تجھے دیکھ کے یاد آیا ھے
ہم سخنور بھی ہوا کرتے تھے