hijr ki rut ghamgeen fizaayen,uff ree muhabbat haaye jawani
jeenay kay din marnay ki duaayen,uff ree muhabbat haaye jawani
waada ki shab khamosh fizaayen,dil men khalish woh aayen na aayen
dar pay nigaahen lab pay duaayen,uff ree muhabbat haaye jawani
mehki hui gulshan ki fizaayen,behki hui saawan ki ghataayen
haath men saaghar sir pay ghataayen,uff ree muhabbat haaye jawani
rukhsat e jaanaan aik qayyamat us pay qayyamat mujh say ijazat
aankh men aansu lab pay duaayen,uff ree muhabbat haaye jawani
hum thay khumaar aur pehlu e jaanan,bas men thi jesay gardish e dauraan
kash woh din ab yaad na aayen,uff ree muhabbat haaye jawani
No comments:
Post a Comment