گلابوں سے مہکی لڑی ہو گئی ہوں

gulabon ki mehki larri ho gaii hoon

muhabbat ki pehli karri ho gaii hoon

mujhey tu ney aisi nigahon sey dekha

keh ek pal men barri ho gaii hoon

sar e shaam aanay ka hai uska waada

mein subha say dar par kharri ho gaii hoon

na churwa sako gey kabhi haath apna

muhabbat bhari hath karri ho gaii hoon

juda ker na paye ga ab tujh ko mujh sey

tu khushboo hai main pankharri ho gaii hoon

            گلابوں سے مہکی لڑی ہو گئی ہوں

محبّت کی پہلی کڑی ہو گئی ہوں

مجھے تُو نے ایسی نگاہوں سے دیکھا

کہ میں ایک پل میں بڑی ہو گئی ہوں

سر ِشام آنے کا ہے اس کا وعدہ

میں صبح سے در پر کھڑی ہو گئی ہوں

نہ چُھڑوا سکو گے کبھی ہاتھ اپنا

محبّت بھری ہتھکڑی ہو گئی ہوں

بہت دور ہے مجھ سے خوشیوں کا موسم

مُسلسل غموں کی جھڑی ہو گئی ہوں

جُدا کر نہ پائے گا اب کوئی ماہ رُخ

وہ خوشبو ہے میں پنکھڑی ہو گئی ہوں