Roshan jamal-e-yaar sey hai anjuman tamam

Roshan jamal-e-yaar sey hai anjuman tamam
Dehka hua hai aatish-e-gul sey chaman tamam

Hairat ghuroor-e-husn sey, Shoukhi sey izterab
Dil ney bhi terey seekh liye hai chalan tamam

Allah re jism-e-yaar ki khoobi keh khud ba khud
Rangeeniyon men Doob gaya pairahan tamam

Dekho to chashm-e-yaar ki jadoo nigahiyan
Be'hosh ik nazar men hui anjuman tamam

Sheereni-e-naseem hai soz-o-gudaz-e-meer
Hasrat terey sukhan pey hai lutf-e-sukhan tamam

روشن جمال ِیار سے ہے انجمن تمام
دہکا ہوا ہے آتشِ گُل سے چمن تمام

حیرت غرور ِحسن سے شوخی سے اضطراب
دل نے بھی تیرے سیکھ لیے ہیں چلن تمام

اللہ ر ے جسمِ یار کی خوبی کہ خود بخود!
رنگینیوں میں ڈوب گیا پیرہن تمام

دیکھو تو چشمِ یار کی جادو نگاہیاں
بیہوش اِک نظر میں ہوئی انجمن تمام

شیرینئ نسیم ہے سوز و گدازِ میر
حسرت  ترے سخن پہ ہے لطفِ سخن تمام