yeh sitaray yeh toottay motti... aks hain maray dida-e-tar k

Hum sey mat pooch rastay ghar k

hum musafir hain zindagi bhar k

kaun suraaj ki aankh sey din bhar

zakham ginta hai shab ki chader k

sulah ker li yeh soch ker main ney

merey dushman na they baraber k

kudh sey khemay jala diye main ney

hoslay dekhna they lashker k

yeh sitaray yeh toottay motti

aks hain maray dida-e-tar k

gar janoon maslehat na aapnaye

sar say rishtay bohat hain phater k

hum bhi chuntay the seepiyan aksar

hum bhi maqrooz hain samander k

aankh k gird maatami halqay

saye jessay jalay huwey ghar k

doston ki zuban to khulnay do

bhool jaao gey zakham khanjar k

chaand bhi zard parr gaya aakhir

ujrray aangan men roshni kar k

aankh nam bhi karo to bas itni

rang pheekay parrain na manzar k

ھم سے مت پوچھ راستے گھر کے
ھم مسافر ھیں زندگی بھر کے

کون سورج کی آنکھ سے دن بھر
زخم گنتا ھے شب کی چادر کے

صلح کر لی یہ سوچ کر میں نے
میرے دشمن نہ تھے برابر کے

خود سے خیمے جلا دیے میں نے
حوصلے دیکھنا تھے لشکر کے

یہ ستارے یہ ٹوٹتے موتی
عکس ھیں میرے دیدہ تر کے

گر جنوں مصلحت نہ اپنائے
سر سے رشتے بہت ھیں پتھر کے

ھم بھی چنتے تھے سیپیاں اکثر
ھم بھی مقروض ھیں سمندر کے

آنکھ کے گرد ماتمی حلقے
سائے جیسے جلے ھوئے گھر کے

دوستوں کی زباں تو کھلنے دو
بھول جاؤ گے زخم خنجر کے

چاند بھی زرد پڑ گیا آخر
اجڑے آنگن میں روشنی کر کے

آنکھ نم بھی کرو تو بس اتنی
رنگ پھیکے پڑیں نہ منظر کے

کجکلاھوں سے لڑ گئے"محسن"
ھم بھکاری "حسین" کے در کے