Baazi phir ab ki baar muqaddar nay jeet lee

بنیاد ہل گئی تو مکاں بن کے مٹ گیا
اس بار بھی یقین گماں بن کے مٹ گیا

buniyaad hill gaee to makaan bann kay mitt gaya
is baar bhi yaqeen gumaan bann kay mitt gaya

تعبیر راکھ بن کے اڑی آنکھ میں سدا
جو خواب تھا وہ پل میں دھواں بن کے مٹ گیا

tabeer raakh bann kay urrii aankh men sadaa
jo khawab tha woh pal men dhuwan bann kay mitt gaya

بازی پھر اب کی بار مقدر نے جیت لی
پھر چاہتوں کا ایک جہاں بن کے مٹ گیا

baazi phir ab ki baar muqaddar nay jeet lee
phir chaahaton ka aik jahaan bann kay mitt gaya 

اک دائمی کسک سی جگر میں اتر گئی
اور زخم سرمئی سا نشاں بن کے مٹ گیا

ik daayami kasak si jigar men utar gaee
aur zakhm surmaee sa nishaan bann kay mitt gaya

ہے لازوال کربِ مسلسل کا نام ہجر
اور یہ وصال آہ و فغاں بن کے مٹ گیا

hai lazwaal karb e musalsal ka naam hijr
aur yeh wisaal aah o faghaan bann kay mitt gaya 

بکھری ہوئی ہیں چاروں طرف دل کی کرچیاں
لگتا ہے ایک گھر سا یہاں بن کے مٹ گیا

bikhri hui hain chaaron taraf dil ki kirchiyan
lagta hai aik ghar sa yahaan bann kay mitt gaya 

جذبہ بنا گلاب تو قائم رہا بتول
جوں ہی بنا یہ تیرکماں، بن کے مٹ گیا

jazba bana gulab to qaayam raha batool
juun he bana yeh teer kamaan bann kay mitt gaya