Ik shakhs k kho janay ka dar kyun nahin jata
yeh bojh meray dil sey utar kyun nahin jata
manzil pey puhanch ker bhi usay khona parrey ga
yeh tay hai to phir shauq-e-safar kyun nahin jata
main jab bhi tarashoon, tera paikar hi tarashoon
yeh zauq-e-nazar, yeh shauq-e-hunar kyun nahin jata
yeh waqt tujhay mujh sey juda kar to raha hai
yeh waqt issi waqt thehar kyun nahin jata
gar tujh sey bicharnay ka hay ranj mujhay itna
tu main shiddat-e-jazbaat sey mar kyun nahin jata
No comments:
Post a Comment