اے شمعِ کوئے جاناں
ھے تیز ھوا ، مانا
لَو اپنی بچا رکھنا ۔ رستوں پر نگاہ رکھنا
ایسی ہی کسی شب میں
آئے گا یہاں کوئی ، کچھ زخم دکھانے کو
اِک ٹوٹا ھوا وعدہ ، مٹی سے اُٹھانے کو
پیروں پہ لہو اُس کے
آنکھوں میں دھواں ھوگا
چہرے کی دراڑوں میں
بیتے ھوئے برسوں کا
ایک ایک نشاں ھوگا
بولے گا نہ کچھ لیکن ، فریاد کُناں ھوگا
اے شمعِ کوئے جاناں
وہ خاک بسر راھی --------- وہ سوختہ پروانہ
جب آئے یہاں اُس کو مایوس نہ لوٹانا
رستوں پہ نگاہ رکھنا -------- راھی کا پتا رکھنا
!!اِس بھید بھری چُپ میں اِک پھول نے کھلنا ھے
!!اُس نے انہی گلیوں میں ، اِک شخص سے ملنا ھے
No comments:
Post a Comment