Aap Ki Mohabbat Ka Har Kadam Sahara Hai
Aap Hi Ka Gham Mujh Ko Zindagi Sey Pyara Hai
Mein Kaya Bataoon Tamana-e-Zindagi Kaya Hai
Hazoor Aap Salamat Rahein Kami Kaya Hai
Agar Na Dil Men Tarrap Ho To Aashiqui Kaya Hai
Miley Na Dard Ki Daulat To Zindagi Kaya Hai
Hai Is K Wastay Kaunain Terey Daaman Men
Terey Gad'aa K Liye Taj-e-Khusravi Kaya Hai
Terey Karam Ka Sahara Hai Zindagi Meri
Teray Karam Na Ho Shamil To Zindagi Kaya Hai
Meri Namaz Yehi Hai Keh Poojta Hoon Tumhein
Mujhey Khabar Nahi Aadab-e-Bandgii Kaya Hai
Chaman K Husn Ko Daikhoon To Kis Tarah Daikhoon
Terey Jamaal K Aage Yeh Roshni Kaya Hai
Fana Yeh Unki Mohabbat Nawaziyan Daikho
Woh Mujh Sey Pooch Rahye Hein Teri Khushi Kaya Hai
No comments:
Post a Comment