Zara Sa Muskurao Na

Ghamon Ki Jo Faseel Hay

Woh Is Qadar Taweel Hay

Ghazab To Hay Ye Aik Nahi

Faseel Dar Faseel Hay

Tum Us Ki Har Mundair Per

Aarzoo Kay Tail Say

Chiragh e Dil Jalaoo Na

Zara Sa Muskuraoo Na

Woh Phir Say Yaad Aa Gaya

Jo Rooth Kar Chala Gaya

Usay Khabar Bhi Nahi

Kisi Ka Dil Dukha Gaya

Ab Us Ki Meethi Yaad Men

Shabon Ko Jaag Jaag Kar

Yeh Ratt Jagay Manao Na

Zara Sa Muskurao Na

Yeh Gham Hamesha Aayen Gay 

Yeh Dil Yoon Hi Jalayen Gay

Magar Khushi Kay Aatay Hi

Yeh Gham Bhi Bhool Jayen Gay

Malool Ho Kay Gham Say Tum

Zara Palkon Pay Yun Hi

Sitaray Jhilmilao Na 

Yeh Aansoo Bhi Pee Jaao Na

Zara Sa Muskurao Na