Maatmi Rang Ka malbuus Pehan K Dil Ney

Doob Kar Jis Ney Muhabbat Men Adakari Ki,

Dil-e-Saada Ney Bohat Us Ki Tarafdari Ki,


Jaib Men Ley K Umeedon K Khanaktey Sikkey,

Hum Ney Khawabon K Jazeeron Men Khareedari Ki,


Maatmi Rang Ka malbuus Pehan K Dil Ney,

Raat Ujrey Huey Khawabon Ki Azadari Ki,


Theek Hai Dil Ko Lagaya Tha Kabhi Bhooley Sey,

Is Ki Qeemat Bhi Adaa Hum Ney Bohat Bhaari Ki,


Dil K Sehra Men Ugaaye Hain Muhabbat K Gulaab,

Mausam-e-Ishq Men Hum Ney Bhi Shajar Kaari Ki..