Yeh Mojza Bhi Mohabbat Kabhi Dikhaye Mujhey
Keh Sang Tujh Peh Girey Or Zakham Aaye Mujhey
Main Apney Paaon Taley Rondta Hoon Saaye Ko
Badan Mera Hi Sahi, Dopehr Na Bhaaye Mujhey
Main Gher Sey Teri Tammanna Pehn Ker Jab Nikloon
Barhana Sheher Men Koi Nazar Na Aaye Mujhey
Wohi To Sab Sey Zyada Hey Nukta Cheen Mera
Jo Muskra Key Hamesha galey Lagaaye Mujhey
Who Mera Dost Hey Saarey Jahan Ko Hey Maloom
Dagha Karey Who Kisi Sey To Sharam Aaye Mujhey
Who Meherban Hey To Iqrar Kyun Nahi Kerta
Who Badguman Hey To so Baar Aazmaaye Mujhey
Barang e Aud Miley Gi Usey Meri Khushboo
Who Jab Bhi Chahey Barrey Shoq Sey Jalaaye Mujhey
Main Apni Zaat Men Neelaam Ho Raha Hoon Qateel
Gham-E-Hayat Sey Keh Do Khareed Laaye Mujhey
No comments:
Post a Comment