Zamana ho gaya hai un ko mehman kiye huey

har ek harf-e-arazu ko dastan kiye huey
zamana ho gaya hai un ko mehman kiye huey

suruur-e-aish talKhi-e-hayaat ney bhula diya
dil-e-hazin hai bekasi ko hijr-e-jaan kiye huey

kali kali ko gulistan kiye huey voh aayen gey
voh aayen gey kali kali ko gulistan kiye huey

sukuun-e-dil ki raahaton ko un sey maang loon
sukuun-e-dil ki rahaton ko be'karaan kiye huey

voh aayen gey to aayen gey junuun-e-shauq ubhaarney
voh jaayen gey  to jaayen gey tabahiyan kiye huey

main un ki bhi nigah sey chhupa k un ko dekh loon
keh un sey bhi hai aaj rashk bad_guman kiye huey