kuch bhoolay waadey kuch purani baatian yaad aa gaeen

Barrii   mudat   k   baad   teri  galli  sey mera  guzer hua

kuch   bhoolay   waadey kuch  purani baatian   yaad  aa gaeen

Jo  bund honton aur bolti aankhon sey tum ney kahin

phir  sey  tumahri  un-kahi  woh  hakaayatain yaad aa gaaen

Nimaz   k    baad,  merey   liey   uTThye     tumharey   haath

woh guzrey din aur woh muqadus sa'atain yaad aa gaeen

Mian  khud-dari k  haathon   her  baazi  haar  chuka   to

tumhari  roti  aankhon  ki woh   shikaayatian yaad aa gaeen

Geelay  baalon sey  tupk-ta  paani aankh  sey  girtey  aansoo

tum  ney  ro  k  jo guzaariin  woh  barsaatian yaad aa gaeen

Ajnabi   muhabbat    sirf    aik    baar    dastak   deti   hai

tum   ney ro  k  jo   kiin,  woh   wazahatian   yaad  aa gaeen

Barrii  mudat   k  baad   teri  galli  sey  mera   guzer hua

kuch   bhoolay   waadey kuch  purani baatian   yaad  aa gaeen