سمجھ کر رحم دل تم کو ۔۔۔۔۔ دیا تھا ہم نے دل اپنا

نکال اب تیر سینے سے ۔۔۔۔۔۔ کہ جانِ پُر اَلم نکلے
جو یہ نکلے تو دل نکلے ۔۔۔۔۔ جو دل نکلے تو دم نکلے

تمنا وصل کی ۔۔۔۔۔ اِک رات میں کیا اے صنم نکلے
قیامت تک یہ نکلے ۔۔۔۔۔۔ گر نہایت کم سے کم نکلے

نہ اُٹھے مر کے بھی ۔۔۔۔۔۔ ایسے تیرے کوچے میں ہم بیٹھے
محبت میں اگر نکلے ۔۔۔۔۔۔ تو ہم ثابت قدم نکلے

سمجھ کر رحم دل تم کو ۔۔۔۔۔ دیا تھا ہم نے دل اپنا
مگر تم تو بلا نکلے ۔۔۔۔۔ غضب نکلے ۔۔۔۔۔۔ ستم نکلے

دمِ پُرسش ۔۔۔۔۔۔ جو دیکھا اُس بتِ سفّاک کو مضطر
صفِ محشر سے دل پکڑے ہوئے ۔۔۔۔۔ گھبرا کے ہم نکلے

گئے ہیں رنج و غم ۔۔۔۔۔۔ اے داغ بعدِ مرگ ساتھ اپنے
اگر نکلے تو یہ اپنے ۔۔۔۔۔۔ رفیقانِ عدم نکلے