yeh chiragh be'nazar hai yeh sitara be'zubaan hai
abhi tujh sey milta julta koi doosra kahan hai
wohi shakhs jis pey apney dil'o'jaan nisaar ker doun
wo ager khafa nahi hai tu zuroor badgumaan hai
kabhi paa kay tujh ko khona kabhi kho kay tujh ko pana
yeh janam janam ka rishta terey merey darmiyaan hai
merey saath chalney waley tujhey kaya mila safar men
wohi dukh bhari zameen hai wohi gham ka aasman hai
mein isi gumaan men barson bara mutma'in raha houn
tera jism be'taghayyur hai mera pyaar jawedaan hai
unhi raston ney jin per kabhi tum they saath merey
mujhey rok rok poocha tera humsafar kahan hai
No comments:
Post a Comment