Woh bay-khabar intiha ka tha

Meray qurb sey meray wajood tak, 
Usay ikhtilaf to sada ka tha.. 

Meray ghum sey meray junoon tak, 
Yeh faasla bus ana ka tha. 

Meri zindagi sey meri saans tak, 
Woh falsafa buss dua ka tha. 

Meri baat sey Teray zikr tak, 
Koi silsila jo hawa ka tha. 

Meri haqiqat sey meray khawab tak, 
Woh bay-khabar intiha ka tha 

Meray veham sey meray gumaan tak, 
Yeh marhala wafa ka tha.. 

Meri talab sey meray naseeb tak, 
Yeh maamla khuda ka tha