Na shab o roz hi badlay hain na Haal acha hai
Kis barahman nay kaha tha keh yeh Saal acha hai
Hum keh donon kay giraftar rahay, jaantay hain
Daam e duniya say kahin zulf ka jaal acha hai
Mein nay poocha tha keh aakhir yeh taghaful kab tak?
Muskuratay huye bolay keh Sawaal acha hai
Dil na manay bhi to aisa hai keh gaahey gaahey
Yar e be Faiz say halka sa Malaal acha hai
Lazzatein Qurb o Judaai ki hain apni apni
Mustaqil hijr hi acha na Wasaal acha hai
Rehruwaan e rah e ulfat ka muqaddar maaloom
In ka aaghaz hi acha na Ma'aal acha hai
Dosti apni jagah, par yeh haqiqat hai Faraz
Teri ghazlon say kahin tera Ghazaal acha hai
No comments:
Post a Comment