YE NAAZ KAM TO NAHI HAI K UNSE MIL AAYE

MUJHE KHALA MAIN BHATAKNE KI ARZU HI SAHI
K TU MILE NA MILE TERI JUSTAJU HI SAHI


QAREEB AA SHAB-E-TANHAYI TUJH SE PYAR KAREIN
TAMAM DIN KI THAKAN KA ILAAJ TU HI SAHI


BARE KHULOOS SE MILTA HAI, JAB B MILTA HAI
WO BEWAFA TO NAHI HAI, BAHANA-JU HI SAHI


MAGAR WO ABR SAMANDAR PE KION BARASTA HAI
ZAMEEN BAANJR SAHI, KHAAK BE-NAMUU HI SAHI


TUM APNE DAGH-E-SIR-E- PERHAN KI BAAT KARO
HAMARA DAMAN-E-SAD- CHAAK BE-RAFUU HI SAHI


YE NAAZ KAM TO NAHI HAI K UNSE MIL AAYE
WO EK PAL KO SIR-E-RAAHE GUFTAGUU HI SAHI


JO APNE AAP SE SHARMAYE' KIS SE BAAT KARE
MAI AAINE KI TARAHA USKE RU-BARU HI SAHI


KISI TARHA TO YE TANHAION KI SHAAM KATE
WISAAL-E-YAAR NAHI, QURBAT-E-ADUU HI SAHI


YE SAJDA SIR-E-MUQTAL KA WAKT HAI MOHSIN
KHUD APNE KHUN-E-RAG-E- JAAN SE AB WUZUU HI SAHI