Us Ki Hansi Nay To Aaj Mujhay Rula Diya

Sab Say Chupa Kar Dard Jo Woh Muskara Diya
Us Ki Hansi Nay To Aaj Mujhay Rula Diya


Lehjay Sy Uth Raha Tha Har Ik Dard Ka Dhuwan
Chehra Bata Raha Tha Keh Kuch Ganwa Diya


Aawaz Mein Thehrao Tha Aankhoon Mein Nami Thi
Or Keh Raha Tha Keh Mein Nay Sab Kuch Bhula Diya


Janay Kaya Us Ko Logon Say Thin Shikayatin
Tanhaiyon Kay Dais Mein Khud Ko Basa Diya


Khud Bhi Voh Hum Sy Bichar Kar Adhura Sa Ho Gaya
Mujh Ko Bhi Itnay Loghon Mein Tanha Bana Diya