apnay ehsaas say chhu kar mujhay sandal kar do
mein keh sadiyon say adhoora hoon mukammal kar do
na tumhen hosh rahay aur na mujhay hosh rahay
is qadr toot kay chaaho,mujhay pagal kar do
tum hatheli ko meray pyar ki mehndi say rango
apni aankhon men meray naam ka kajal kar do
us kay saaey men meray khaab dehak uthain gay
meray chehray pay chamakta hua aanchal kar do
dhoop he dhoop hoon mein toot kay barso mujh par
is qadr barso meri rooh men jal thal kar do
jesay sehraaon men her sham hawa chalti hai
is tarha mujh men chalo aur mujhay thal kar do
tum chhupa lo mera dil oat men apnay dil ki
aur mujhay meri nigahon say bhi ojhal kar do
masla hoon to nigahen na churaao mujh say
apni chaahat say tawajo say mujhay hul kar do
apnay gham say kaho her waqt meray sath rahay
aik ehsaan karo isko musalsal kar do
mujh pay chha jaao kisi aag ki soorat jaanan
aur meri zaat ko sookha hua jungle kar do
Pakistan Rupee Exchange Rate
No comments:
Post a Comment