Jab Tasawur Mera Chupkey Sey Tujhey Choo Aaye
Apni Her Sans Sey Mujh Ko Teri Khusboo Aaye
Mashgala Ab Hey Mera Chand Ko Taktey Rehna
Raat Bhar Chain Na Mujh Ko Kisi Pehloo Aaye
Jab Gardish-e-Doraan Ney Sataya Mujh Ko
Meri Janib Tery Phailey Howey Bazoo Aaye
Jab Bhi Socha Keh Shab Hijar Na Ho Gi Roshan
Mujh Ko Samjhaney Teri Yad K Jugnoo Aaye
Kitna Hasaas Meri Aas Ka Sanata Hey
Keh Khamoshi Bhi Jahan Bandh K Ghongaroo Aaye
Mujh Sey Milney Ko Sar-e-Shaam Koi Saya Sa
Terey Aangan Sey Chaley Aur Lab-e-Joo Aaye
Us K Lehjey Ka Asar To Hey Bari Baat Qateel
Wo To Aankhon Sey Bhi Kerta Huwa Jadoo Aaye
Pakistan Rupee Exchange Rate
No comments:
Post a Comment