kisi khush nigaH si aankh ne yeh kamaal mujh par karam kiya

kisi khush nigaH si aankh ne yeh kamaal mujh par karam kiya
meray jism-o-jaan par raqam kiya
woH jo ek chaanD sa ha’rf tha woH jo ek sham sa naaM tha
Woh jo ek phool si baat phirtI thi dar badaR
usay gulistaN ka pata diya
Mera dil keh shehar e malaL tha usay rosHni main basa diyA
meri aaNkh meray khwaab ko kisi ek pal maiN bah’aM kiya
meray aa’inon pay jo garD thi mah-o-saal ke
woh utar gayee
woh jo dhunD thi meray chaar soo woH bikhar gayee
sabhi roop aks ay jamal kay
sabhi khwaab sham-e-wasal kay
jo ghubaar e waqt main sar basar thay a'tay huway
woH chamak uthay
woH jo phool raH kee dhool thay woh mehak uthay
liye saat rang baHar kay
chala sung main jo bahar kay
to saja diay sabhi raastay
kisi dast e shobda saaz nay
meray naam par meray waastay
meri bay ghari ko panaH dee meri justaju ko niShaaN diya
jo yaqeen say bhi haseen hai muJHay ek aisa gumaN diya
jo reza reza wajooD tha
usay ik nazar main bahaM kiya
kisi khush nigaH si ankh nay yeh kamaaL mujh pe karaM kiya