palkon pay us kay aik sitara tha aur bas
zaad e safar yehi to hamara tha aur bas
banjar samaa'ton ki zameen kesay khil uthi
tum nay to mera naam pukara tha aur bas
meri faseel e zaat pay chhaya kohar chhata
aankhon men us kay aik sharara tha aur bas
ik umr meri zaat pay saya fagun raha
kuch waqt hum nay saath guzara tha aur bas
taareekiyon men noor ki barish si ho gaee
aankhon men tera aks utara tha aur bas
mujh tak pohanchta gham ka her darya pal'at gaya
shaanay pay meray haath tumhara tha aur bas
Pakistan Rupee Exchange Rate
No comments:
Post a Comment