Mohabato'n sey shanasa huwa main jis din sey

Junoon men shauq ki gehraiyo'n sey darta raha
Main apni zaat ki sachaiyo'n sey darta raha

Mohabato'n sey shanasa huwa main jis din sey
Phir us k bad shanasaiyo'n sey darta raha

Wo chahta tha keh Tanha miloon to baat karay
...Main kaya karoon keh main tanhaiyo'n sey darta raha

Mein regzaar tha mujh main basay thay sannatay….
Isi liye to main shehnaiyo'n sey darta raha

Main apnay baap ka yousuf tha is liye Mohsin
Sakoon sey so na saka Bhaiyo'n sey darta raha…..