ab tau wo kaata hai ham ney jo kabhi boya na tha
khaab wo daikha keh jo khaabo'n men basta tha kabhi
raat you'n soya hoo'n jaisey umr bhar soya na tha
khull k roney sey bhi dill ka bojh kab halka huwa
taiz baarish ney bhi terey naqsh ko dhoya na tha
wo bhi din thay naam mera wird e jaa'n tha aur abb
be_rukhi aisi , ta'alluq hi kabhi goya na tha
yeh achanak baitthey baitthey kaya huwa AAZAR tujhey
iss sey pehley to kabhi tu iss tarha roya na tha
No comments:
Post a Comment