Jaan Kani

Mujhay Yaad Hai ......

Pichlay Saal Inhi Dinon Men

Main Ney Tumhain Apnay Ander

Saatveen  Baar Qatl Kar K Waheen Kaheen

Kisi Veeranay Men Dafan Kar Dia Tha


Or Tumhari Qabr....

Faramoshi K Bhaari Pathron Say Bhar Dee Thi..



Or Is Say Bhi Pehlay Aik Baar

Door Daraaz Say Aanay Walay

Kisi DAYO Haikal Parindon K Paron Say....



Or Is Say Bhi Pehlay Aik Baar

Bilkul Inhi Dinon

Main Nay Tumhain Mukamal Taur Par Jala Kar

Tumhari Raakh Taiz Behtay Huway Darya Main Bahaa Dee Thi



Lekin Is Saari Jaan Kani K Bawajood

Tum Aaj Phir Hamesha Ki Tarha

Meri Aankhoon Men Aankhain Daalay

Meray Dil Ko Apni Mutthi Main Jakray

Merey Saamnay Kharri Ho ....!!!!