Be-khuloos logon sey Ab ijtenaab karna hai
Mujhko apney rishton ka ehtisaab karna hai
Kitni umer zaaya ki hai Us ko yaad rakhney men
Gham shuda saanson ka Kuch hisaab karna hai
Yeh jo zameen hai meri Is ka qarz hai mujh per
Is sey ISHQ karna hai Or Be-hisaab karna hai
Us ko bhool jana hai Us ko yaad rakhna hai
Dukh to ek jesa hai Bas Intekhaab karna hai
Woh to sirf ek aansoo sey Mujhko maat dey dey ga
Us ko Main nay baaton sey La-jawaab karna hai
Koi aam sa ik chehra Koi shaam si Aankhen
Main nay apni Ghazlon ka Intesaab karna hai
No comments:
Post a Comment