Main kisi aur ka hoon itna bata kar roya

Main kisi aur ka hoon itna bata kar roya
Woh mujhey mehndi lagay hath dikha kar roya

Mujhey anjaam-e- mohabbat nahi maloom hargiz
Yeh kaha aur mujhey seenay sey laga kar roya

Jo mujhey zabt ki talqeen kiya karta tha
Woh zamanay ko mera haal suna kar roya

Aansu ban kar nikal na jaaun kahin, is Darr sey
Apney ashkon ko woh aankhon men chhupa kar roya

Wasl ka aakhri lamha jo muyassar tha humain
Usi lamhay mein wo sadiyoon ko sama kar roya