Ek naii taqdeer meri taqdeer main likhti hai
Woh aisi hamdard keh apney pyar kay saaray lafz
Merey haathon ki lakeer main likhti hai
Koi raaz chupana shayad pasand nahi usay
Woh apna har khawab khuli tabeer main likhti hai
Main us ka ek man-chaha qaidi hoon isi liye
Naam mera woh zulfon ki zanjeer main likhti hai
Bol uthay ek ek ta'assur us k chehrey sey
Saari kahani woh apni tasveer main likhti hai
Khoob chehakti hai woh khat k pehley hissay main
Lekin dil ki sachi baat aakhir main likhti hai
Jis khoobi sey pehchana jaye koi shakhs
Qudrat woh khoobi us k khoon-e-khameer main likhti hai...!!!
No comments:
Post a Comment