میں کہ پھر دشتِ رفاقت کا سفر کر آیا

میں کہ پھر دشتِ رفاقت کا سفر کر آیا
کیا کہوں کتنی اذیت سے گذر کر آیا

ہر کوئی ہم سے ملا عمرِ گُریزاں کی طرح
وہ تو جس دل سے بھی گذرا وہیں گھر کر آیا

تم نے اک سنگ اُٹھایا میرے آئینے پر
اور ہر شخص کو میں آئینہ گر کر آیا

مُجھ سے کیا پُوچھتے ہو شہرِ وفا کیسا ہے
ایسا لگتا ہے صلیبوں سے اُتر کر آیا

صرف چہرے ہی اگر کرب کے آئینے ہیں
کیوں نہ میں دل کا لہُو آنکھ میں بھر کر آیا

اب تو جو اس شہر کی تقدیر ہو میں تو لوگو
دار و دیوار پہ حسرت کی نظر کر آیا

ہم تو سمجھے تھے محبت کا پیمبر ہے فراز
اور وہ بے مہر بھی توہیں ہُنر کر آیا