Teri koshish teri tadbiir hona chahta hoon

Teri koshish teri tadbiir hona chahta hoon,
main teray haath ki tehriir hona chahta hoon, 

~*~*~*~*~~*~*~*~*~~*~*~*~*~~*~*~* 

Too meray paas aay aur palat kar na jaaey, 
main teray paaon ki zanjeer hona chahta hoon, 

~*~*~*~*~~*~*~*~*~~*~*~*~*~~*~*~*~* 

Mujhay aadat nahi ab doosroon k mashwroon ki,
main khud bhi sahb_e_taqdir hona chahta hoon, 

~*~*~*~*~~*~*~*~*~~*~*~*~*~~*~*~* 

Azal say khawab ban kar teri aankhoon main raha hoon,
main ab sharminda_e_tabiir hona chahta hoon, 

~*~*~*~*~~*~*~*~*~~*~*~*~*~~*~*~* 

Main is liay mismaar khud ko kar raha hoon,
keh teray haath say taamiir hona chahta hoon,