Ajab Pagal Si Larki Hai

 

عجب پاگل سی لڑکی ہے
مجھے ہر خط میں لکھتی ہے
مجھے تم یاد کرتے ہو؟ تمھیں میں یاد آتی ہوں؟
مری باتیں ستاتی ہیں
مری نیندیں جگاتی ہیں
مری آنکھیں رلاتی ہیں
دسمبر کی سنہری دھوپ میں اب بھی ٹہلتے ہو
کسی خاموش رستے سے کوئی آواز آتی ہے؟
ٹھٹہرتی سرد راتوں میں تم اب بھی چھت پہ جاتے ہو
فلک کے سب ستاروں کو مری باتیں سناتے ہو
کتابوں سے تمھارے عشق میں کوئی کمی آئی
یا میری یاد کی شدت سے آنکھوں میں نمی آئی
عجب پاگل سی لڑکی ہے
مجھے ہر خط میں لکھتی ہے
جوابااس کو لکھتا ہوں
مری مصروفیت دیکھو
سحرسے شام آفس میں چراغ عمر جلتا ہے
پھر اس کے بعد دنیا کی کئی مجبوریاں پاؤں میں بیڑی ڈال رکھتی ہیں
مجھے بے فکر، چاہت سے بھرے سپنے نہیں دکھتے
ٹہلنے، جاگنے، رونے کی فرصت ہی نہیں ملتی
ستاروں سے ملے عرصہ ہوا ناراض ہوں شاید
کتابوں سے شغف میرا ابھی ویسے ہی قائم ہے
بس اب اتنا ہوا ہے میں انھیں عرصہ میں پڑھتا ہوں
تمھیں کس نے کہا پگلی تمھیں میں یاد کرتا ہوں؟
کہ میں خود کو بھلانے کی مسلسل جستجو میں ہوں
تمھیں نہ یاد آنے کی مسلسل جستجو میں ہوں
مگر یہ جستجو میری بہت ناکام رہتی ہے
مرے دن رات میں اب بھی تمھاری شام رہتی ہے
مرے لفظوں کی ہر مالا تمھارے نام رہتی ہے
تمھیں کس نے کہا پگلی مجھے تم یاد آتی ہو؟
پرانی بات  ہے جو لوگ اکثر گنگناتے ہیں

انھیں ہم یاد کرتے ہیں جنھیں ہم بھول جاتے ہیں
عجب پاگل سی لڑکی ہو
مری مصروفیت دیکھو
تمھیں دل سے بھلاؤں تو تمھاری یاد آئے نا!
تمھیں دل سے بھلانے کی مجھے فرصت نہیں ملتی
اور اس مصروف جیون میں
تمھارے خط کا اک جملہ
تمھیں میں یاد آتی ہوں
مری چاہت کی شدت میں کمی ہونے نہیں دیتا
بہت راتیں جگاتاہے مجھے سونے نہیں دیتا
سو اگلی بار اپنے خط میں یہ جملہ نہیں لکھنا!
عجب پاگل سی لڑکی ہے، مجھے پھر بھی یہ کہتی ہے
مجھے تم یاد کرتے ہو؟ تمھیں میں یاد آتی ہوں؟

Ajab Pagal Si Larki Hai
Mujhay her khat men likhti hai
“Mujhay tum yaad kertay ho?
Tumhain main yaad aati hooN?”
meri baatain satati hain
meri neendain jagati hain
meri aankhain rulaati hain
december ki sunehri dhoop men abb bhi teheltay ho?
kisi khamosh rastay sey
koi awaaz aati hai?
Thitharti sard raatoN men
tum abb bhi chhatt pey jaatay ho?
falak k sab sitaroN ko
meri baatain sunatay ho?
kitaboN sey tumharay ishq men koi kami aai?
ya mairi yaad ki shiddat sey aankhoN men nami aai?
Ajab pagal Si larki hai
mujhay her khat men likhti hai..
Jawaban us ko likhta hooN..
meri masroofiyat daikho subah sey shaam office men
chiragh-e-umer jalta hai
phir us k baad duniya kee
kaee majbooriyan paao`n men bairri daal rakhti hain
mujhay bay-fikr, chahat sey bharay sapnay nahin dikhtay
Tehelnay, jaagnay, ronay kee mohlat hee nahin milti
sitarooN sey millay arsa hua..naraaz hoon shayad
kitabooN sey shughaf maira abhi waisay he qayem hai
farq itna parra hai ab unahin arsay men parhta hooN
tumhain kis ney kaha pagli tumhain main yaad kerta hooN
keh main khud ko bhulanay kee musalsal justajoo men hooN
tumhain na yaad aanay kee musalsal justajoo men hooN
mager yeh justajoo meri bohat nakaam rehti hai
merey din raat men abb bhee tumhari shaam rehti hai
merey lafzoN ki her maala tumharay naam rehti hai
tumhain kis ney kaha pagli tumhain main yaad kerta hooN
poorani baat hai jo log akser gungunatay hain
unhain hamm yaad kertay hain jinahin hamm bhool jatay hain
ajab pagal si lerki ho
meri masroofiyat daikhoo
tumhain dil sey bhulaooN to tumhari yaad aaye na
tumhain dil sey bhulanay kee mujhay fursat nahin milti
aur iss masroof jeewan men
tumahray khat ka ikk jumla
“tumhain main yaad aati hooN ?”
meri chahat ki shiddat men kami honay nahin daita
bohat raatain jagata hai mujhay sonay nahin daita
so agli baar apnay khat men yeh jumla nahin likhna
ajab pagal si larki hai mujhay phir bhee yeh likhti hai
mujhay tum yaad kertay ho tumhain main yaad aati hooN ?