کچھ اس طرح سے تمہارا خیال رکھا ہے

کچھ اس طرح سے تمہارا خیال رکھا ہے
تمہارے واسطے خود کو سنبھال رکھا ہے

kuch is terha say tumhara khayal rakha hai

tumharay waastay khud ko sanbhaal rakha hai

یوں لگ رہا ہے کہ بارش میں دھوپ نکلی ہے
خوشی میں اس طرح تم نے ملال رکھا ہے

yuun lag raha hai keh barish men dhoop nikli hai
khushi men is terha tum nay malaal rakha hai


کچھ اس لیے بھی مرا حرف حرف روشن ہے
ترے خیال نے دل کو اجال رکھا ہے

kuch is liay bhi mera harf harf roshan hai

teray khayaal nay dil ko ujaal rakha hai

جو مجھ کو چھوڑ کے تقسیم ہو گیا سب میں
اسی کے واسطے خود کو سنبھال رکھا ہے

jo mujh ko chhorr kay taqseem ho gaya sab men

usi kay waastay khud ko sanbhaal rakha hai

خود اپنے آپ میں رہنا اُسے قبول نہیں
مجھے بھی ذات سے باہر نکال رکھا ہے

khud apnay aap men rehna usay qabool nhi

mujhay bhi zaat say bahir nikaal rakha hai

یہ سوچتا ہوں اُسے کیا کہوں گا میں عاطف
کہ میرے پیار پہ اُس نے سوال رکھا ہے


yeh sochta hoon usay kaya kahoon ga mein aatif
keh meray pyar pay us nay sawaal rakha hai