Kabhi kitabon men phool rakhna Kabhi darakhton pey naam likhna

Kabhi kitabon men phool rakhna
Kabhi darakhton pey naam likhna
Hamen bhi hai yaad aaj tak woh
Nazar sey harf-e-salaam likhna

Woh chaand chehrey woh behaki baaten
Sulagtey din they mehakti raaten
Woh chhotey-chhotey sey kaghazon par
Mohabbaton k payaam likhna

Gulaab chehron sey dil lagana
Woh chupkey chupkey nazar milana
Woh aarzuon k khavab bunana
Woh qissaa-e-naa'tamaam likhna

Merey nagar ki hasin fizaao
Kahin jo un k nishaan paao
Toh poochna yeh kahan basey ho
Kahan hai unka qayaam likhna

Ga_ii ruton men hamara
Bas ek hi toh yeh mashghala tha
Kisi k chehrey ko subah kehna
Kisi ki zulfon ko shaam likhna