Mujhay Tum Yaad Aatay Ho

Tumhara pyar chhup chhup ker kaii chahrey badalta hi mujhay tum yaad aatay ho 

Tumhara hijr shiddat sey meray dil ko masalta hi mujhay tum yaad aatay ho 

Sumandar aashna aankhoon men sehra aan bastay hain tumhain jab bhool jata
hoon 

phir in sehraaon men ek khawab ka chashma nikalta hai mujhay tum yaad aatay ho 

Main apnay haat sey teri sunehri yaad ki palkain sajata hoon khayaalon men 

khayaalon men tera mosam kai pehloo badalta hai mujhay tum yaad aatay ho

 

Kisi footpaath per bazaar men baghaat men ya phir kisi darya kinaray per 

bohat khush ho k jab koi kisi k sath chalta hi mujhay tum yaad aatay ho

 

Main sara din koi sangi majasmah ban key rahta hoon magar jab shaam dhalti 

hai
meray dil ki jagah per koi pathar sa pighalta hi mujhay tum yaad aatay ho 

Tassawer men tumharay sang beeti barishain aksar tumhain aawaz dati hain
Nigahon men tumhari doop ka ek deep jalta hi mujhay tum yaad aatay ho 

Kabhi koi sitara aankh sey hota huwa bujhta hai aa kay goad men gir ker
kabhi koi bohat hi door ubherta or dhalta hi Mujhay Tum Yaad aatay ho