Raat bharr girti rahi
ashk ki soorat shabnam
raat bharr chalti rahi
bheegi hui sard hawa
narm paudon men guzarti huwi
madham madham,
raat bharr chaand sulagta raha
holay holay
chaandni roti rahi
meray dareechay say paray
raat bharr raqs men masroof thay
khushboo kay qadam
raat bharr main,
meri maghmoom nigahen,
meri yaas,
teray aanay ki sarr-e-shaam lagi thi
jo mujhay
wohi damm torti aas,
dill men mehka huwa ghamm
aur yeh palken pur namm,
meri maghmoom nigahen be'khwab
raat bharr jaltay rahay
apnay hi shoalon men gulab!!
Pakistan Rupee Exchange Rate
No comments:
Post a Comment