Inhii Khush gumaaniyon men kahiin jaan sey bhi na jaao
Wo jo chaaraagar nahin hai usey zakhm kyuN dhikhaao
Yeh udaasiyon k mausam kahin raayegaaN na jaayeN
Kisi zakhm ko kuredo kisi dard ko jagaao
Wo kahaaniyaan adhuurii jo na ho sakengi puuri
Unhen main bhi kyun sunaauun unhen tum bhi kyun sunaao
Merey hamsafar puraaney merey ab bhi muntazir hain
Tumhen saath chornaa hai to abhii sey chhorr jaao
Yeh judaaiyon k rastey bari duur tak gaye hain
Jo gayaa wo phir na lautaa meri baat maan jaao
Kisii bewafaa ki khaatir yeh junun 'Faraz' kab tak
Jo tumhen bhulaa chukaa hai usey tum bhii bhuul jaao
Pakistan Rupee Exchange Rate
No comments:
Post a Comment