Paniyon paniyon jab chand Ka haala utra
Neend ki jheel pey ik khawab purana utra
Aazmaayesh men kahan ishq bhi poora utra
Husn k aagay to taqdeer ka likha utra
Dhoop dhalnay lagi, deewar sey saaya utra
Sat’ha Hamwar hui, Pyaar ka darya utra
Yaad sey naam mitta, Zehan sey chehra utra
Chand lamhon men teri nazar sey kaya kaya utra
Aaj ki Shab main pareshaan hoon to yoon lagta hai
Aaj mehtaab ka chehra bhi hai utra utra
Meri Wehshat ram-e-Aaho sey kahin barrh ker thi
Jab meri Zaat men Tanhai ka sehra utra
ik shab e gham k andheray pey nahi hai mouqoof
Tu ney jo Zakham lagaya hai wo gehra utra
No comments:
Post a Comment