Kuch Is Ada Say Aaj Woh Pehlu Nasheen Rahay

Kuch Is Ada Say Aaj Woh Pehlu Nasheen Rahay, 

Jab Tak Hamaray Paas Rahay, Hum Nahin Rahay! 

Ya_RAB Kisi Kay Raaz_E_Muhabbat Ki Khair Ho, 

Dast_E_Junoon Rahay Na Rahay, Aastin Rahay! 

Dard_E_Ghum_E_Firaaq Kay Yeh Sakht Marhalay, 

Hairaan Hoon Mein Keh Phir Bhi Tum, Itnay Haseen Rahay! 

Ja Aur Koi Zabt Ki Duniya Talaash Kar, 

Aey Ishq Hum To Ab Teray, Qaabil Nahin Rahay! 

Allah Ray Chashm-e-yaar Ki Maujiz Bayanian

Her Ik Ko Hai Gumaan Keh Mukhatib Humhi Rahay

Is Ishq Ki Talaafi_E_Maafaat Dekhna, 

Ronay Ki Hasratein Hain Jab, Aansu Nahin Rahay......!