Hum zaat k auraaq pey bikhri hui shab hain
Meyaar elehda hein, par insaan to sub hain
Aasaib zad'aa hai terey honton ki halawat
Afsurda-e-khatir terey lehjey k sab'ab hain
Dolat k trazu men bhi Imaan likha hay
Hum saahib-e-kirdaar hain, Parwarda-e-Rub hain
Deroz k chehrey ki ibadat bhi zara parh
Maimaar hain aainda k, Qaatil terey kab hain
Hum donon Muhabbat k siwa jaanty thay kaya
Aisay to na thay Dost! keh jis haal men ab hain
Wo husan ka paikar hay, keh Asaab ka Qaatil
Aankhian kisi Aahu ki hain, Yaqoot say lub hain
Jismon k Zakhirey ka sumandar hai,magar hum
Ik Chashm-e-Sitam pesha sey Ikhlas Talab hain
No comments:
Post a Comment