Nayi ruton k naye safar men

Nayi ruton k naye safar men
Tumhen ijazat hai bhool jana
Hazaar saalon pey sabt chaahat ki poori tareekh bhool jana
Magar meri jaan...!!!
Saraab mazi k kahawab aalood roz-o-shab ki wo aakhri shaam...
Yaad rakhna
woh aakhri shaam
jab tumhari meri nigahon nay
aik doojay kay dil kay ander utar kay
shafaaf aainon men
khud apnay chehron kay aks dekhay to ro parray thay
wo aakhri shaam
Jab mujhey tum ne yeh kaha tha..
Keh chandni dekho to sarsarati hawa k dil pe meri tamana k naam
Koi pyaam likhna
Wo aakhiri shaam yaad rakhna
Teri nigahon sey jab mein apni nigah churra k
Palat raha tha
To tum ney kuch bhi nahin kaha tha,,,
Magar hawa men nami achanak he barrh gayi thi...!!

نئی رُتوں کے نئے سفر میں
تمھیں اجازت ہے بھول جانا
ہزار سالوں پہ ثبت چاہت کی پوری تاریخ بھول جانا
مگر میری جاں
سراب ماضی کے خواب آلود روزوشب کی وہ آخری
شام یاد رکھنا
وہ آخری شام
جب تمھاری مری نگاہوں نے
ایک دوجے کے دل کے اندر اُتر کے

 شفاف آئینوں میں
خود اپنے چہروں کے عکس دیکھے تو رو پڑے تھے
وہ آخری شام
جب مجھے تم نے یہ کہا تھا
کہ چاندنی دیکھو تو سرسراتی ہوا کے دل پر مری تمنا کے نام
کوئی پیام لکھنا
وہ آخری شام یاد رکھنا
تری نگاہوں سے جب میں اپنی نگاہ چھڑا کے
پلٹ رہا تھا
تو تم نے کچھ بھی نہیں کہا تھا
مگر ہوا میں نمی اچانک ہی بڑھ گئی تھی