مگر ابھی تک کوئی کمی ہے

مگر ابھی تک کوئی کمی ہے
بہت ہی مصروف زندگی میں
مشہور و معروف زندگی میں
خوشی سے بھرپور ساعتوں میں
ہزار طرح کی راحتوں میں
بدن میں گھلتی رفاقتوں میں
وصال آمادہ خلوتوں سے
بہت ہی ہولے سے چوری چپکے
ہر ایک رشتے سے بچ کے کٹ کے
کسی بھی بے سمت سے سفر پر
کسی بھی انجان رہگزر پر
میں چلتے چلتے یہ سوچتا ہوں
کہ ساری دنیا یہ جانتی ہے
بہت حسین میری زندگی ہے
مگر کسی کو میں کیا بتاؤں؟
ہر ایک شے ہے وہی نہیں ہے