Aik shararat kartey hain
Aao muhabbat kartey hain
Hansti aankhon sey keh do
Dariya hijrat kartey hain
Kuch dil aisey hain jin par
Hum bhi hukoomat kartey hain
Koi baat to hai mujh men
Dushman bhi izzat kartey hain
Zinda rehna hai dushwar
Achaa.. to himmat kartey hain
Waisey hotay nahi hain log
jaisi chahat kartey hain
Aksar apney aap sey hum
Teri shikayat kartey hain
No comments:
Post a Comment