Barish-e-sang-e-malamat men sharaboor rahey
Harf aaye naa tujh par, tujh say door rahey,
Aatish e qalb bhujaney say kahan bhujtee hay
Dil men khawabeedaa agar yaad kay sharrar rahey,
Natawaan jism o jaan, duniyaa say woh takkar laynaa
Hum aisi baat pay had darjaa maghroor rahey,
Dard barh jaaye to khud aap marham hotaa hay
Suna jo hum nay to phir hum bhee zakhm choor rahey,
Hansatey rehtay hain sar e bazm, hay aadat apnee
Hum to woh hain keh dukh uthaa kay bhee masroor rahey,
Barh gayee had say sharafat to kuchlay jaao gay
Yaad har pal tumhain duniya kaa yeh dastoor rahey,
Ghazal men haal jo hum apna bayaan kar baithey
Es dil kay hathon bohat majboor rahey.
No comments:
Post a Comment